La AfD fa canera ma è en cumparegliaziun pitschna

Tenor il professer per politica d'Europa a l'universitad da Berna, Klaus Armingeon n'ha ina victoria da la dretga en la Germania betg in grond effect da signal per l'Europa.

Placat da la dretga en Germania, da la AfD (Alternative für Deutschland), Bild in Lightbox öffnen.

Legenda da maletgs: Placats ed occurrenzas da la dretga en Germania attiran l'attenziun e procuran per discussiuns. Keystone

Bain haja la Alternative für Deutschland (AfD) ina schanza realistica da vegnir en il parlament, sco ils verds, ils sanesters u ils liberals er. Ma en cumparegliaziun cun auters pajais, sco p. ex. la Frantscha, la Finlanda, ils Pajais Bass u er la Svizra, saja la dretga en Germania bler pli flaivla.

Tenor Klaus Armingeon pudess la AfD cuntanscher maximalmain 11% da las vuschs. 5% èn necessaris per insumma rivar en il parlament, en il Bundestag. Il professer per politica d'Europa vesa plirs motivs pertge che l'AfD è e vegnia a restar plitost flaivla:

  • i dettia bleras dispitas gia entaifer la partida
  • il program da partida saja be stà cler a l'entschatta
  • la partida attiria blers che sajan simplamain per tut pretsch cunter quels ch'èn davant tiers

E Klaus Armingeon agiunta che la visiun cun la quala la AfD emprovia da cuntanscher la glieud na saja betg nova. Anzi ella saja ina visiun sco quai ch'ins enconuschia gia dad autras partidas dretgas en l'Europa, critica envers l'exteriur ed envers l'Uniun europeica.

RR actualitad 08:00