Manadira a trais: Angela Merkel lantschescha «Giamaica»

La chanceliera tudestga Angela Merkel ha uffizialisà per l'emprima giada discurs davart la manadira a trais cun ils Liberals e cun ils Verds – la uschenumnada coaliziun «Giamaica». Quai rapportan las agenturas da novitads.

Merkel discurra. Bild in Lightbox öffnen.

Legenda da maletgs: Angela Merkel tar ses discurs en occasiun dal «Di tudestg» da la Junge Union a Dresden. Keystone

Angela Merkel ha ditg, ch’ella spetgia tractativas difficilas. La finamira saja dentant da furmar ina regenza fidabla. Quai ha ditg la chanceliera tudestga ad in’occurrenza da la Junge Union, la partida giuvna da la CDU.

«  Jau less, ch’ella (la coaliziun Jamaica) vegnia. »

Angela Merkel
chanceliera tudestga (CDU)

Sursiglir cuntegn supplementar

Nair, gelg e verd dà Giamaica

Nair, gelg e verd dà Giamaica

La manadira a trais cun Union, FDP e verds vegn numnada «Giamaica» pervi da las colurs da las trais partidas. Questa coaliziun vegn ad esser ina cumbinaziun nova sin livel naziunal. Sin livel regiunal datti ella dapi intgins mais en il Schleswig-Holstein.

Davart in contract da coaliziun vegnia a decider in di da partida extraordinari da la CDU, ha Merkel aschuntà en ses discurs.

Resultats da la votaziun sforzan bunamain a manadira a trais

La partida conservativa da Merkel era cun 33% ils 24 da settember bain victura da las elecziuns. Ella è dentant constrenschida da far ina coaliziun nova cun ils liberals da la FDP (10,7%) ed ils Verds (8,9%), ch’èn tuts dus averts ad in tala furma guvernamentala.

SPD «strusch capabels sin livel naziunal»

Cun radund 20% da las vuschs avevan ils social-democrats da la SPD ditg anc la saira da las elecziuns da betg vulair porscher maun per ina nova coaliziun gronda cun ils conservativs, ma dad ir en l’opposiziun.

«Igl è evident, ch’ils socialdemocrats da la SPD n’èn en l’avegnir strusch capabels da guvernar sin livel naziunal» ha ditg Merkel, e perquai na stoppia l’Union n’er betg empruvar da pensar en quella direcziun.

RR novitads 12:00

Emissiun tar quest artitgel