Martin Schulz vul s'engaschar per gistadad

La suprastanza dals socialdemocrats en Germania han nominà a Berlin unanimamain Martin Schulz sco candidat per il post da chancelier.

Martin Schulz. Bild in Lightbox öffnen.

Legenda da maletgs: Martin Schulz: Ha el ina schanza encunter Angela Merkel? Keystone

Martin Schulz vul conquistar l'uffizi da chancelier tudestg per la SPD cun cumbatter per gistadad sociala ed ina clera posiziun cunter ils populists da la dretga.

En ses emprim pled sco cuntra-candidat da la chanceliera Angela Merkel ha Schulz ditg, ch'el veglia s'engaschar en sia politica per quels che lavurian dir.

Il politicher da 61 onns vegn ad esser il concurrent dad Angela Merkel da la CDU. Plinavant vegn Martin Schulz a surpigliar il presidi da la SPD. El succeda a Sigmar Gabriel ch'è da nov minister da l'exteriur. Al di da partida il mars duai Martin Schulz lura vegnir nominads uffizialmain sco candidat per il post da chancelier dals delegads da la SPD.

RR actualitad 15:00