Nagin effect «Schulz» en il Saarland

L'euforia da la SPD en Germania cun ses nov idol Martin Schulz ha nagin effect sin las elecziuns en il Saarland: La CDU ha cun bun 40% vinavant il nas davantiers.

Anke Rehlinger (SPD) e la victura Annegret Kramp-Karrenbauer (CDU) Bild in Lightbox öffnen.

Legenda da maletgs: Mo ina fatscha rienta: Anke Rehlinger (SPD) e la victura Annegret Kramp-Karrenbauer (CDU) Keystone

CDU 40,7 pertschient - SPD 29,6 pertschient en il Saarland

Ils cristiandemocrats restan la forza politica la pli ferma en il stadi federativ Saarland en Germania. Tar las elecziuns parlamentaras ha la CDU cun sia primministra Annegret Kramp-Karrenbauer fatg 40,3 pertschient da las vuschs, suandà da la SPD 30,1. Nov en il parlament è la AfD cun 6,2 pertschient.

Vinavant regenza da coaliziun gronda

Il pli absolut en il parlament da Saarland è tar 26 sezs, la CDU ha 24 da quels. Uschia ch'i vegn da raschun a star tar la coaliziun gronda en il parlament sco fin qua.

Onn d'elecziun en Germania

Las elecziuns en il stadi federativ Saarland vegnan valitadas sco indicatur per las elecziuns dal chancelier ni la chanceliera quest onn en Germania. Martin Schulz da la SPD va en il duell cun la chanceliera actuala Angela Merkel.

RR novitads 20.00