Elecziuns novas – Erdogan spera che sia partida vegn pli ferma
- Venderdi, 21.8.2015, 18:07
En la Tirchia datti elecziuns novas il prim da november. Quest termin ha il president Recep Tayyip Erdogan annunzià suenter ch'i n’era betg gartegià a sia partida AKP da furmar ina coaliziun cun la partida naziunalista da dretga MHP.
Bild in Lightbox öffnen.
Legenda da maletgs: Il president da la Tirchia, Recep Tayyip Erdogan. Keystone
Erdogan spera cun marcantamain dapli vuschs per sia AKP. Retschertgas prognostitgeschan dentant in auter resultat. Tenor Erdogan datti ina regenza transitorica fin las elecziuns anticipadas dal november.
La partida conservativa dad Erdogan aveva pers la maioritad absoluta da las elecziuns parlamentaras dal zercladur. Quai cunzunt perquai che la partida pro-curda HDP aveva cuntanschì passa 10% da las vuschs.
RR novitads 18:00