Siglir tar il cuntegn

Elecziuns regiunalas a Hamburg Coaliziun cotschen-verda a la testa

Elecziuns regiunalas en il Bundesland Hamburg en Germania: La coaliziun en uffizi cotschen-verda ha pudì defender la maioritad. Quai mussan calculaziuns approximativas da ARD e ZDF.

Malgrà ch’ils socialdemocrats han pers vuschs restan els la pli ferma partida. Tenor las calculaziuns van 39% (2015: 45,6%) da las vuschs a la SPD. Sin posiziun dus cun var 24% suondan ils Verds. Els han pudì redublar lur vuschs (2015: 12,3%). Pers vuschs ha ils cristiandemocrats cun 11,2% (2015: 15,9%). Stgars dumogna la partida extremista da dretga AfD cun 5,3% (2015: 6,1%) e la FDP cun 5,0% (2015: 7,4%) cartaivlamain puspè en il parlament da Hamburg.

Möchten Sie diesen ergänzenden Inhalt laden?

Hinter diesem Platzhalter verbirgt sich ein externer Inhalt (z.B. ein Social Media Post oder ein Video), den unsere Redaktion empfiehlt.Mehr

Dieser Platzhalter erscheint, weil Sie die Verwendung von «Social Media und externen Drittsystemen» in Ihren Datenschutz-Einstellungen deaktiviert haben. Klicken Sie auf «Inhalt laden», um diesen Inhalt einmalig anzuzeigen. Dabei können Cookies gesetzt und Daten an externe Anbieter übertragen werden. Passen Sie Ihre Datenschutz-Einstellungen an, um solche Inhalte dauerhaft anzeigen zu können.

Tenor ina retschertga da la gruppa da perscrutaziun elecziuns per il ZDF giavischan 61% dals abitants da Hamburg vinavant ina regenza cotschen-verda. Quai saja ina cifra ordvart auta per ina regenza en uffizi. Cun il resultat definitiv pon ins quintar enfin glindesdi saira. Sco Berlin è er Hamburg in agen «Bundesland».

RTR novitads 06:00

Artitgels legids il pli savens