Siglir tar il cuntegn

Header

cuntegn

Exteriur Elecziuns regiunalas en Frantscha: Front National en avantatg

Suenter l’emprima runda da las elecziuns per il parlament regiunal è l’extrema dretga dal Front National cler en avantatg, quai mussan las emprimas retschertgas. Ils republicans che cuntanschan il segund plaz na vulan betg ina allianza cun ils socialists per franar il Front National.

Trais emnas suenter las attatgas terroristicas a Paris cuntanscha l’extrema dretga il Front National ina clera victoria tar las elecziuns regiunalas. La partida da Marine Le Pen cuntanscha circa 28% da las vuschs. Quai mussa la calculaziun intermediara da plirs emetturs da televisiun franzos.

Ils republicans cun segund meglier resultat

Segund meglier resultat cuntanschan ils republicans enturn l'anteriur president Nicolas Sarkoszy els vegnan tenor las emprimas retschertgas en l'emprima runda sin radund 27% da las vuschs.

Ils socialists sulet sin il terz plaz

La partida regenta dals Socialists dal president franzos François Hollande vegn communabel cun las ulteriuras partidas da las sanestra sin radund 23,5%.

Ils socialists na pon dentant betg quintar cun ina allianza cun ils republicans. Curt suenter che las emprimas retschertgas èn vegnidas publicas ha Sarkoszy communitgà ch’els na veglian nagina allianza ni cun la dretga ni cun ils sanesters. Enstagl ha Sarkoszy annunzià da mobilisar enfin la segunda runda da proxima dumengia ulteriurs electurs.

Marcant pli auta participaziun

La participaziun a las elecziuns era il suentermezdi tenor indicaziuns dal ministeri dal intern franzos sin 43%, quai in marcant augment per 4% en cumparegliaziun cun il 2010.

RR novitads 22:00

Artitgels legids il pli savens