Siglir tar il cuntegn

Header

cuntegn

Exteriur Elecziuns Tirol dal Sid: Partida populara sin nivel pli bass

Tar las elecziuns per il parlament dal Tirol dal Sid n’hai betg dà surpraisas. Uschia survegn la Partida populara SVP danovamain las bleras vuschs. Cumpareglià cun avant 5 onns perda ella però 3,8 puncts procentuals.

Suenter che tut las vuschs èn dumbradas, vegn la Partida populara dal Tirol dal Sid sin 41,9% da las vuschs – quai che munta in minus da 3,8 puncts cumpareglià cun las elecziuns dad avant 5 onns. Igl è la terza terrada en seria per la partida. Il 2008 aveva ella pers il pli absolut, il 2013 la maioritad dals mandats ed uss perda ella puspè dus sezs e vegn da nov anc sin 15 dals 35 sezs.

Per ina surpraisa ha l'interprendider Paul Köllensperger procurà. El ha pudì recaltgar cun ses moviment 15,2% da las vuschs, ed è uschia cun 6 sezs la segund ferma forza en il parlament dal Tirol dal Sid – anc avant la Lega Nord. Lezza fa dentant era in fitg bun resultat e po augmentar sia cumpart da las vuschs da 2,5 sin 11,1% ed ha ussa da nov 4 sezs en il parlament. Perder vuschs, perdan persuenter tant ils Verds sco era ils Socialdemocrats.

RR novitads 06:00

Artitgels legids il pli savens