Las novas investigaziuns da la polizia federala dals Stadis Unids FBI n’han demussà nagins indizis che Hillary Clinton è sa cumportada a moda criminala. Quai ha communitgà il directur dal FBI, James Comey, en ina brev a commembers dal congress.
L'FBI aveva instradà in’ulteriura investigaziun cunter la candidata dals democrats per il presidi american pervi da l’uschenumnada «affera d'e-mail», suenter ch’ins aveva chattà novs e-mails dispitaivels. Questa annunzia aveva procurà per nov turnigl curt avant l’elecziun presidiala.
RR novitads 22:00