Legenda:
Il candidat uffizial dals republicans Donald Trump.
Keystone
cuntegn
Elecziuns USA 2016 - Appel da betg pli dar daners a Trump
Republicans cun gronda influenza na vulan betg pli dar daners a Donald Trump suenter ch'il candidat per il presidi american ha fatg adina dapli faux pas verbals.
Ils var 70 signataris pretendan da chalar immediat da finanziar il cumbat electoral da Trump. Uschia citescha la pagina d'internet Politico or d'in sboz d'ina brev al schef da la partida republicana.
Ils republicans averteschan da la campagna da gritta e da l'exclusiun dal politicher da la dretga. Els discurran dal privel che l'elecziun pudess manar ad in sbuvaditsch democratic.
