La candidata democratica Hillary Clinton ha sclaus ch'ils Stadis Unids tramettian insacura puspè l’infantaria en l'Irac per cumbatter la milissa terroristica SI. Sut sia direcziun na vegnian er betg tramess truppas da terra en la Siria.
Il candidat republican, Donald Trump, è s'engaschà per ina armada americana pli ferma. El augmentass marcantamain las expensas per il militar, uschia Trump. El ha pretendì dapli aviuns, bastiments e sutmarins ed in sistem modernisà per sa defender cunter rachetas.
RR novitads 06:00