Siglir tar il cuntegn

Header

Hillary Clinton vegn manada dal plaz.
Legenda: Hillary Clinton ha stuì bandunar la festa da commemoraziun anticipadamain. Keystone
cuntegn

Elecziuns USA 2016 Hillary Clinton cun puntga

Dus mais avant las elecziuns ha la candidata democrata per il presidi american Hillary Clinton ina puntga.

Hillary Clinton aveva stuì bandunar ina festivitad per la commemoraziun dal 15avel anniversari da las attatgas dals 11 da settember a New York. Suenter 90 minutas è ella vegnida manada dal plaz. Tenor l'agentura da novitads sda, saja ella stada «surstgaudada e deidrada»

Ina puntga saja il motiv per il malesser da la candidata democrata per il presidi american. Il venderdi saja questa gia vegnida diagnostitgada. Plinavant pateschia Clinton dad ina tuss, chaschunada dad ina allergia. Clinton survegnia ussa antibiotica e stoppia midar ses termins.

La sanadad da Clinton è adina puspè stà tema

La diagnosa vegn sco clamada per il rival da Clinton, il Republican Donald Trump. El ha adina puspè attatgà Clinton pervi da sia sanadad che saja apparentamain fragila. La sanadad da Clinton è ils ultims onns adina puspè stada in tema. Il december 2012 ha ella gì ina squassada dal tscharvè ed ha suenter stuì vegnir operada pervi dad ina enquagliada da sang en il chau.

Il medi da Clinton ha dentant publitgà il fanadur ina brev che descriva la sanadad da Clinton sco «excellenta». Plinavant declera il medi en la brev ch'ella saja top fitta per ademplir ses pensum sco presidenta dals Stadis Unids.

RR novitads 07:00

sda/li

Artitgels legì il pli savens

Nach links scrollen Nach rechts scrollen