Elecziuns USA 2016 - La campagna da Hillary Clinton stagnescha
La candidata democrata per il presidi ameican Hillary Clinton vul en paucs dis cuntinuar ses cumbat electoral. Ella aveva stuì interrumper quel pervi dad ina puntga. En in' intervista cun l'emettur CNN ha ditg Clinton ch'ella veglia surventscher la malsogna.
Ella avessi stuì resguardar pli baud il cussegl dal medi da far ina pausa, ha ditg Clinton en l'emettur CNN. Ella haja ignorà in avertiment dal medi.
La dumengia passada aveva Clinton bandunà anticipadamain las festivitads per la commemoraziun dal 15avel anniversari da las attatgas dals 11 da settember a New York pervi dad in malesser.
