Siglir tar il cuntegn

Header

Purtret da Pence Kaine durant la debatta.
Legenda: Il republican Mike Pence e ses adversari democrat Tim Kaine durant la debatta. Keystone
cuntegn

Elecziuns USA 2016 Pence u Kaine

En il cumbat electoral en ils Stadis Unids èn ils dus candidats per il vicepresidi vegnids ensemen per lur unic duel en la televisiun. Tenor observaders n'ha la debatta gì nagina tensiun.

Il democrat e vicecandidat per Hillary Clinton, Tim Kaine ha tranter auter renfatschà a Donald Trump dad esser in inimi da las dunnas. Kaine haja empruà da far puncts cun attatgas sin Trump ed ha era renfatschà ch'el admiria Wladimir Putin.

Il vicecandidat da Trump, Mike Pence da sia vart ha ditg che la politica exteriura da Clinton saja debla e betg nizzaivla. Surprendent saja stà ch'el haja crititgà fermamain Moscau, damai che Trump ha gia pliras giadas ludà Putin.

Pence e Kaine valan tuts dus sco politichers da gronda experientscha. Il republican Pence haja dentant perschuadì cun in tun pli presidial e ponderà. Tenor in'emprima retschertga da l'emettur da televisiun CNN, saja Pence ordavant cun 48% da las vuschs e Kain haja survegnì mo 42%.

RR novitads 06:00

Artitgels legids il pli savens

Scrollar a sanestra Scrollar a dretga