Siglir tar il cuntegn

Header

cuntegn

Elecziuns USA 2016 Tgi elegia tgi?

Dapi mais èn Donald Trump e Hillary Clinton vid far reclama per sasez. Sin placats u er en las debattas emprovan els da persvader la populaziun americana. Mo i dat era bleras persunas en ils Stadis Unids che n'han betg gust da dar la vusch ad in dals dus candidats.

Participaziun elecziuns USA

Avrir la box Serrar la box
  • 2012 - 53.6%
  • 2008 - 57.5 %
  • 2004 - 55.3%
  • 2000 - 51.3%
  • 1996 - 49.1%
  • 1992 - 55.2%
  • 1988 - 50.2%
  • 1984 - 53.1%
  • 1980 - 52.6%
  • 1976 - 53.6%

Il dumber da persunas che n'elegia betg vegn quest onn probabel ad esser pli aut che tar autras elecziuns en ils Stadis Uni (2012: 53.6%).

Blers n'èn simplamain betg cuntents cun Clinton ed era betg cun Trump. Quai saja surtut il cas tar la giuventetgna, di Renée Rousseau, la presidenta dals democrats en Svizra. Quai saja giuventetgna in zic pupragnada, ch’è creschida si en il mund da Barack Obama. In president che n'haja mai gì scandals privats. Perquai boicoteschian blers giuvenils uss ils dus candidats.

Era James Foley dals republicans en Svizra na chapescha betg la glieud che nizzegia betg la pussaivladad d'eleger il nov president. Quellas persunas duajan suenter las elecziuns dentant serrar la bucca e betg reclamar.

«Mes pajais sur mia partida»

Per la pli auta democrata en Svizra Reneé Rousseau èsi impurtant, che la glieud na mettia betg la partida davantvart. Quai che capitia cun l’agen pajais saja pli impurtant ch'il success da la partida. Ella di ch’ils «normals» Americans stoppian dar la vusch a Clinton. Ella na saja betg perfetga, ella sappia però tgei ch’ella fetschia.

audio
Mezdi: Elecziuns USA – Tgi elegia tgi?
ord Actualitad dals 21.10.2016.
laschar ir. Durada: 3 minutas 13 Secundas.

Ina chaussa è clera: Las minoritads (Afroamericans, Asiats, Hispanics) vegnianper gronda part a dar la vusch a la candidata democrata. «Ed era tut quels cun daners sustegnan Hillary Clinton», di James Foley.

All the big money supports Hillary Clinton.
Autur: James Foley Commember Republican Overseas Switzerland

In zic salop manegia il republican perquai che las persunas ch'hajan stuì lavurar en lur vita, vegnian probablamain a dar la vusch a Donald Trump.

RR actualtiad 12:00

Artitgels legids il pli savens