Trump ha suttastritgà ch'el veglia controllar pli fitg l'immigraziun. En il center duai esser il bainstar dals Stadis Unids. Trump vul che immigrants illegals vegnian repatriads svelt. Per far quai dess el dapli resursas a las autoritads responsablas.
Paucas uras avant ses pled davart la politica d'immigraziun a Phoenix (Arizona) era Trump s'inscuntrà cun il president mexican Enrique Peña Nieto. Donald Trump ha ditg suenter la visita el veglia collavurar cun la regenza mexicana en il cumbat cunter la criminalitad al cunfin american-mexican. Trump ha dentant er declerà ses plans per eriger in mir al cunfin cun il Mexico. «In pajais suveran ha il dretg da construir in mir» ha ditg Trump.
RR novitads 06:00