Siglir tar il cuntegn

Header

cuntegn

Elecziuns USA 2016 Tuttas urnas èn avertas

En ils Stadis Unids elegian ils Americans dapi questa damaun lur presidenta u lur president. Radund 235 milliuns persunas cun dretg da vuschar èn clamads a l'urna.

audio
Saira: Elecziuns USA – tgi decida las elecziuns questa notg?
ord Actualitad dals 08.11.2016.
laschar ir. Durada: 3 minutas 31 Secundas.

Las ultimas retschertgas inditgeschan in stretg cumbat tranter Hillary Clinton e Donald Trump.

Cun las emprimas prognosas èsi da quintar questa notg suenter l'ina. Lura serran ils emprims biros electorals a la costa da l'ost dals Stadis Unids.

Florida cun immensa impurtanza

Florida è il pli grond «Swing State» ed uschia era il pli impurtant. 29 vuschs d’electurs datti da gudagnar el «Sunshine State».

En mintga chass sans di, che il stadi è pli impurtants per il republican, che per la democrata. Gudogna Hillary Clinton a Florida, vesi ora fitg mal per Donald Trump el cumbat per il presidi american.

Experts spetgan a Florida dentant ina cursa pez a cup tranter ils dus candidats.

OSCE persequitescha elecziuns

Las elecziuns vegnan tranter auter survegliadas da quatter parlamentaris svizzers. Christian Levrat (PS/FR) Margret Kiener Nellen (PS/BE), Hugues Hiltpolt (PLD/ZH) ed Yves Nidegger (PPS/GE) fan part da la delegaziun da 400 observaturs da la OSCE.

RR actualitad 17:00

Artitgels legids il pli savens