Legenda:
Davos las culissas dals democrats americans procura l'affera da e-mails haccads per inquietezza.
Keystone
cuntegn
Elecziuns USA 2016 - USA: Affera da e-mails ha ulteriuras consequenzas persunalas
L’affera davart e-mails haccads dals democrats en ils Stadis unidas ha ulteriuras consequenzas persunalas. Uschia è la mainafatschenta da la partida, Amy Dacey, sco era il schef da communicaziun Luis Miranda sa retratgs, quai rapportan pliras medias americanas.
Tenor lezzas è era Brad Marshall, il schef da finanzas, sa retratg.
La plattafurma d’investigaziuns Wikileaks aveva publitgà avant intgins dis bunamain 20'000 emails da la suprastanza da la partida. Da questa posta electronica resorta ch'il gremi directiv dals democrats ha favurisà Hillary Clinton ed agì cunter ses contrahent Bernie Sanders.
Gia l’emna passada era la scheffa da la partida democrata Debbie Wasserman Schultz sa retratga pervi da questa affera.
