Siglir tar il cuntegn
Inhalt

Elecziuns USA 2016 Activists americans giavischan d'examinar resultats da l'elecziun

En 3 stadis federativs americans duain las vuschs da las elecziuns presidialas vegnir dumbradas anc ina giada. Ina gruppa da prominents experts da computers ed advocats dal dretg d'elecziun vulan intimar la democrata Hillary Clinton da pretender quai.

Donald Trump e Hillary Clinton
Legenda: Ils dus candidats Donald Trump e Hillary Clinton durant ina debatta Keystone

En ils stadis federativs Wisconsin, Michigan e Pennsylvania varieschian ils resultats frappant. Quai rapporta il 'New York Magazine' e sa referischa sin ina gruppa d'activists. I dettia in muster d'indizis che demussian, ch'ils resultats sajan vegnids manipulads a maun u electronicamain. Mussaments n'hajan ins dentant anc betg. Ils experts ed advocats vulan persvader Hillary Clinton da pretender ina nova dumbraziun.

En tut ils 3 stadis surmenziunads ha il futur president american Donald Trump gudagnà be cun paucas vuschs differenza, ed uschia surpassà il dumber necessari da 270 vuschs electoralas. Hillary Clinton ha la finala cuntanschì 232 vuschs electoralas, e Donald Trump 290.

RTR novitads 16.00