Clinton: «Ora cun tut!»

Uschia ha la candidata democrata per il presidi american, Hillary Clinton reagì sin las novas investigaziuns dal FBI areguard l'affera dad e-mails. La polizia federala stoppia publitgar immediat tut las infurmaziuns ch'ella haja.

Purtret da Hillary Clinton Bild in Lightbox öffnen.

Legenda da maletgs: Betg l'emprima giada èn cumparids mails che Clinton ha tramess da servers che n'eran betg segirs. Keystone

La candidata democrata per il presidi american, Hillary Clinton di ch'ella saja plain fidanza ch'i na vegnia nagut auter a la glisch che quai che saja gia vegnì il fanadur. Lezza giada n'aveva la polizia federala betg constatà in cumportament penal relevant da l'anteriura ministra da l'exteriur.

Nagin plant

La politichera democrata aveva duvrà servers privats, e cun quai betg propa segirs, per trametter e-mails e communitgar davart sia lavur. Quai è bain in surpassament da la lescha e Clinton ha survegnì ina admoniziun. Il ministeri da giustia ha dentant desistì d'in plant sin fundament dal rapport dal FBI. En sasez valeva quesa chaussa giuridicamain sco liquidà.

Il venderdi ha il FBI dentant annunzià dad anc ina giada sa fatschentar cun l'affera dals e-mails perquai ch'i saja cumparì novs mails relevants. Ils investigaturs guardan ussa sche quests mails cuntegnan infurmaziuns confidenzialas.

Il contrahent da Clinton, Donald Trump beneventa las novas investigaziuns.

RR novitads 06:00