Siglir tar il cuntegn

Elecziuns USA 2016 Hillary Clinton appellescha a la responsabladad dals burgais

Hillary Clinton ha sa laschà bler temp avant ch'ella è s'exprimida en la publicitad suenter sia terrada tar las elecziuns dal president american era avant blers da ses collavuraturs. Clinton ha offert sia collavuraziun al president nov.

Hillary Clinton e ses um avant bleras bandieras.
Legenda: Hillary Clinton e Bill Clinton vegnan sin la tribuna per engraziar als collavuraturs ed amis per il sustegn. Keystone

Per il bainstar dals Stadis Unids da l’America ha Clinton offert sia collavuraziun al nov president Donald Trump.

Ella speria che Trump daventia in president cun success per tut ils Americans. Natiralmain na saja il resultat da l'elecziun betg quel ch'ella haja giavischà e quai fetschia mal, uschia Clinton.

Vinavant appellescha Clinton da betg dar si e da cumbatter vinavant per ils interess dals democrats en ils Stadis Unids.

Era il president actual Barack Obama è s’exprimì

I dettia elecziuns nua ch’ins perda ed nua ch’ins stoppia acceptar era in pass enavos. Quai saja O.K. – quai saja politica, ha ditg il president actuala american Barack Omaba avant la Chasa Alva a Washington. Uss sajan tuts en la medema bartga.

La finamira è da surdar las fatschentas a ses successur Donald Trump senza disturbis. In inscunter dal vegl president cun il nov president vegn ad esser damaun.

RR novitads 18:00/20:00