Siglir tar il cuntegn

Elecziuns USA 2016 «In president per tut ils Americans»

En ses emprim pled a la naziun ha Donald Trump, il nov president dals Stadis Unids, appellà ad aderents ed adversaris da sa dar il maun. Sco emprim ha el dentant engrazià a Hillary Clinton per tut la lavur ch'ella haja fat durant ses onns dad engaschi politic per l'America.

Trump e Pence.
Legenda: «Make America great again» vi dad els dus èsi da realisar questa empermischiun: Donald Trump e ses vice Mike Pence. Keystone

Il cumbat per las 270 vuschs decisivas dals 538 electurs è vegnì pli stretg che supponì dals observaturs. Che Donald Trump fa la fin la cursa uschè cleramain è ina surpraisa.

live-ticker da las elecziuns

Il ticker è a fin

  • 8:49

    Donald Trump è il 45avel president dals Stadis Unids da l'America.

    Il candidat republican Donald Trump ha savì gudagnar 276 vuschs electoralas ed è uschia il 45avel president dals Stadis Unids. Anc uss manca la publicaziun uffiziala. Hillary Clinton haja gratulà a ses concurrent al telefon per la victoria vegn rapportà.

    Trump e Pence.
    Legenda: «Make America great again» vi dad els dus èsi da realisar questa empermischiun: Donald Trump e ses vice Mike Pence. Keystone
  • 8:15
    Portrait dad el.
    Legenda: Nagina party per Hillary Clinton - John Podesta, ses schef da campagna, annunzia als aderents da Clinton da betg pli spetgar e da turnar a chasa. Keystone
  • 8:09

    «Sco sch’ils chavaliers da l’apocalipsa vegnissan or dal Trump Tower»

    ... descriva in analist tenor Reuters la reacziun sin ils martgads da finanzas. Las turbulenzas actualas sajan mo il cumenzament, citescha Reuters in auter analist.

    Che Donald Trump stat cun ina chomma en la Chasa Alva fa temma als investiders enturn il mund:

    • Els han bittà aczias ed autras investiziuns ristgadas or da lur depots.
    • Il Nikkei-Index ha pers 5,4%.
    • Las bursas a Hongkong, Seoul e Shanghai han pers fin 2,8%.
    • Il dollar croda, il peso mexican n’era anc mai uschia bass.
    • Il pretsch da l’aur è creschì per 4,9%.
  • 7:53

    Anc 6 vuschs tar president Trump

    Pennsylvania ha decidì: 20 vuschs van a Trump. Cun quai mancan uss anc sis vuschs tar in president american Donald Trump.

    • Donald Trump 264 da 270
    • Hillary Clinton 215 da 270
  • 7:37

    Il congress resta en mauns republicans

    Ils republicans han defendì lur maioritad en il senat. Quai rapporta l’agentura da novitads Reuters sa referind sin «pliras medias». Cun quai ch’ils republicans han era savì defender lur maioritad en la chombra dals represchentants resta il congress ils proxims dus onn en maun Republican.

  • 7:16

    Anc 8 stadis mancan - la cursa è fitg stretga.

    Clinton sto gudognar Pennsylvania (20 vuschs) e Michigan (16 vuschs). Il resultat final dals dus stadis manca anc – la cursa va dentant piz a cup:

    • Pennsylvania: Trump 48,7% vs. Clinton 47,8%
    • Michigan: Trump 48,4% vs. Clinton 46,4%
  • 6:29

    En il focus: Las 20 vuschs dal stadi Pennsylvania . Clinton vs. Trump stat là pari.

    • Donald Trump ha 48,2% - 2’655’960 vuschs
    • Hillary Clinton ha 48,2% - 2’653’551

    Da 270 vuschs necessarias han al mument:

    • Donald Trump 244
    • Hillary Clinton 215
  • 6:08
    • Donald Trump 244 vuschs electoralas
    • Hillary Clinton 209 vuschs electoralas
    • Per ina victoria èn necesssarias 270 vuschs electoralas

    Ils trais impurtants Swing States, Florida, North Carolina ed Ohio ha Donald Trump gudagnà ed ina victoria per il multimilliardari vegn adina pli pussaivla.

    Per Hillary Clinton vegni pli e pli stretg. Ella sto silmain gudagnar ils stadis da Pennsylvania e Michigan.

    Per la gasetta Washington Post ha Trump ina schanza da 95% da vegnir il nov president dils Stadis Unids. Era las bursas internaziunalas reageschan gnervus e bunamain cun panica. Las valutas dollar, Yen e peso mexican crodan per part fitg.

  • 5:08

    Uss èsi clar: Florida va a Trump.

    Cun decider Florida, in dals Swing States impurtants, per sai fa Trump 29 vuschs. Latiers vegn Ohio (18 vuschs). Er sche nagut è anc decidì fa Trump in dretg pass envers il presidi american.

  • 3:36

    Ils republicans han defendì lur maioritad en la chombra dals represchentants.

    Quai rapportan ils emetturs da televisiun NBC ed ABC. Els sa basan sin emprimas calculaziuns e dumbraziuns.

  • 3:17

    Enfin quest mument da l’elecziun va tut sco spetgà.

    • Clinton ha 97 vuschs
    • Trump ha 121 vuschs

    Florida (29 vuschs) resta piz a cup. I mida adina puspè giu tranter Clinton e Trump. Tar 8 milliuns vuschs dumbradas or è la differenza sulet 120 vuschs.

    Clinton gudogna a Massachussetts, New Jersey, Maryland, Rhode Island, Washington D.C., Delaware ed Illinois. Cun New York gudogna ella 29 vuschs.

    Trump gudogna ad Oklahoma, Tennessee, Mississippi, lura Alabama e South Carolina. I seguan Texas, Kansas, North e South Dakota e Nebraska.

  • 1:56

    Florida è piz a cup.

    Suenter avair dumbrà ora 47% da las vuschs a Florida ha Trump 49,7% da las vuschs, Clinton 47,4%.

    Nagina gronda surpraisa: Donald Trump gudogna West Virginia (5 vuschs) e cun Kentucky ed Indiana (19 vuschs), stadis ch'elegian tradiziunalmain republican (Kentucky ed Indiana). Hillary Clinton A Vermont (3 vuschs) in stadi ch'elegia adina democratic.

  • 0:32

    Emprims resultats cleramain per Trump

    Ils emprims resultats dals stadis Kentucky ed Indiana mussan ch'ils dus stadis elegian cleramain Donald Trump, quai cun passa 70%. En il stadi New Hampshire survegn il candidat republican 52,5% da las vuschs. Ils resultats èn anc betg represchentativs.

  • 0:07

    Emprims locals d'elecziun serran

    En ils stadis Kentucky ed Indiana han ils locals serrà da mesanotg. Uschespert che las medias americanas èn segiras tgi che ha gudagnà (sin fundament d'enquistas suenter l'elecziun) vegnan ellas a declerar Clinton u Trump sco «victur». Spetgà vegn en quests dus stadis ina clera victoria da Trump.

Rollas decisivas giogan intgins stadis cumbattids (Battleground States e Swing States). La cursa era stada tendida.

Las survista totala da tut ils stadis.