Siglir tar il cuntegn

Elecziuns USA 2016 Merkel gratulescha ma tschenta era cundiziuns

La chanceliera tudestga Angela Merkel ha gratulà al nov elegiì president Donald Trum ma er tschenta Merkel cundiziuns al president nov.

Angela Merkel.
Legenda: Angela Merkel ha gratulà a Donald Trump ma er pretendì da resguardar las reglas da basa democraticas. Keystone

Ina premissa per collavurar cun il futur president american Donald Trump saja che lez respectia las valurs da basa democraticas, ha ditg Angela Merkal a Berlin. Il medem mument ha ella regurdà Trump en vista a la fermezza economica e militara americana ed a sia responsabladad per il svilup global.

Johann Schneider-Ammann ha scrit la brev uffiziala da gratulaziun

Il president da la Confederaziun Johann Schneider-Ammann ha gratulà a Donald Trump per sia elecziun sco president american. Sco usità en ina brev ha Schneider-Amann exprimì il giavisch da la Svizra da tgirar las stretgas relaziuns cun ils Stadis Unids e sin ina buna collavuraziun. Quai ha il Departament federal d’economia, furmaziun e retschertga communitgà.

Papa Francestg giavischa illuminaziun

Il papa Francestg ha gratulà a Donald Trump ed era ditg ch’el uria per che Trump vegnia illuminà.

Era ulteriuras persunalitads politicas han gratulà a Trump per sia elecziun.

RR novitads 14:00