Trump è elegì definitivamain

Il gremi d'electurs ha elegì Donald Trump sco president dals Stadis Unids da l'America. Dals 538 electurs han cleramain dapli ch'ils 270 necessaris ord 50 stadis federativs elegì Trump, quai rapportan pliras medias americanas.

purtret da Donald Trump Bild in Lightbox öffnen.

Legenda da maletgs: Donald Trump ha prendì l'ultim obstachel. El è definitivamain president dals Stadis Unids. Reuters

Seunter ch'il pievel ha elegì ils 8 da november Trump indirectamain sco nov president ha votà uss il gremi dals electurs. Cun gronda maioritad han els elegì Donald Trump. Il resultat duai vegnir communitgà uffizialmain ils 6 da schaner en il congress american. Ils 20 da schaner vegn Trump saramentà sco 45avel president dals Stadis Unids da l'America.

Teoreticamain fiss stada pussaivla ina decisiun cunter Trump. Lura avessen gist 37 electurs stuì votar cunter il resultat da lur stadi federativ. I fiss stà unic en l'istorgia americana.

En blers stadis è la votaziun dals electurs stada accumpagnada da protests anti Trump.

RR novitads 23:00