Trump: Toleranza nulla cun esters criminals

Donald Trump ha l'emprim visità il Mexico e lura, enavos en ils Stadis Unids, declerà co el veglia agir cunter esters illegals: cun maun dir. Per esters criminals che vivan en il Stadis Unids ha el annunzià ina politica da toleranza nulla.

purtret da Donald Trump Bild in Lightbox öffnen.

Legenda da maletgs: Il candidat republican ha annunià in program restrictiv cunter immigrants criminals. Keystone

Trump ha suttastritgà ch'el veglia controllar pli fitg l'immigraziun. En il center duai esser il bainstar dals Stadis Unids. Trump vul che immigrants illegals vegnian repatriads svelt. Per far quai dess el dapli resursas a las autoritads responsablas.

Paucas uras avant ses pled davart la politica d'immigraziun a Phoenix (Arizona) era Trump s'inscuntrà cun il president mexican Enrique Peña Nieto. Donald Trump ha ditg suenter la visita el veglia collavurar cun la regenza mexicana en il cumbat cunter la criminalitad al cunfin american-mexican. Trump ha dentant er declerà ses plans per eriger in mir al cunfin cun il Mexico. «In pajais suveran ha il dretg da construir in mir» ha ditg Trump.

RR novitads 06:00