Siglir tar il cuntegn

Header

cuntegn

Elecziuns USA Twitter sa prepara cunter maldiever

Twitter prenda ulteriuras mesiras per impedir ch’il servetsch da novitads curtas vegnia malduvrà en connex cun l’elecziun dal president dals Stadis Unids. Uschia duajan tweets, nua ch’ina vart decleria sia victoria electorala vegnir marcads cun indicaziuns d’avertiment. Quai ha annunzià Twitter. Tweets che appelleschian da sa maschadar en l’elecziun u a violenza, duajan vegnir stizzads. A partir dals 20 da november duaja er vegnì pli difficil da far retweets directs. L’elecziun dal president american è ils 3 da november.

Segund duell da televisiun annulà

Il segund duel en la televisiun tranter il president en uffizi Donald Trump e ses concurrent per la presidenza dals Stadis Unids, Joe Biden, è uffizialmain vegnì annullà. Suenter che Trump è s’infectà cun il coronavirus, ha Biden pretendì in mussament ch’el na saja betg pli contagius. Venderdi aveva la cumissiun responsabla declerà da vulair far la debatta online. Quai ha Trump refusà immediatamain.

Uschia resta be pli ina debatta tranter ils dus candidats, numnadamain ils 22 d’october. L’emprima debatta l’emna passada è stada fitg caotica e sin in nivel fitg bass.

RTR novitads 10:00

Artitgels legids il pli savens

Scrollar a sanestra Scrollar a dretga