Siglir tar il cuntegn

Header

cuntegn

Exteriur Embargo d'armas per la Libia duai crudar

Ils Stadis Unids da l'America ed auters stadis vulan sustegnair la nova regenza en la Libia cun armas per cumbatter la milissa terroristica Stadi Islamic. Quai han francà ils stadis en ina decleranza communabla suenter in inscunter da ministers a Vienna.

Suttascrit han la decleranza 21 pajais, tranter auter ils Stadis Unids, la Russia, la China, la Frantscha e la Gronda Britannia. Tuts quests pajais insistan sin excepcziuns da l'embargo d'armas da l'ONU cunter la Libia. Era il nov schef da regenza da la Libia, Fayez al-Sarraj è sa participà a l'inscunter.

Il minister da l'exteriur american, John Kerry, ha ditg ch'i na dettia nagins plans per in'acziun militara internaziunala en la Libia. - La SI ha fitgà pe en la Libia ed eregì ina gronda preschientscha ordaifer la Siria e l'Irac.

RR novitads 21:00

Artitgels legids il pli savens