Urizis e ferms vents han venderdi saira chaschunà donns en parts da la Germania. Il servetsch meteorologic tudestg avertescha d'ulteriuras grevas malauras. Oravant tut il Bundesland «Rain dal Nord-Vestfalia/Nordrhein-Westfalen» è stà pertutgà.
Il servetsch meteorologic haja survegnì pliras annunzias da tornados. En la citad da Paderborn haja dà donns da plirs milliuns euros entras in tornado ch'haja traversà la citad. Stgars 400 acziuns da pumpiers ha ì dà pervia da la malaura, cunzunt pervia da tschalers ch'èn s'emplenids cun aua e plantas ch'èn cupitgadas sin tetgs da chasas. La polizia rapporta da 40 blessads, da quai èn var 10 persunas grev blessadas ed ina persuna morta.