Siglir tar il cuntegn

Header

Ina bandiera da la Gronda Britannia stat dasper ca 15 bandieras da l'UE
Legenda: Adina dapli Brits vulan in "Brexit" Keystone
cuntegn

Exteriur Empe da «Grexit» in «Brexit»

En la Gronda Britannia crescha il sustegn per bandunar l'Uniun Europeica. Bunamain la mesadad è persuenter.

Suenter che la regenza britannica ha preschentà ils plans da refurma è il dumber da persunas che vulan bandunar l'UE creschì per radund 3%. Il mument èn radund 45% da la populaziun per ina extrada, per l'uschenumnà «Brexit». Quai resulta d'in'enquista publitgada oz. 36% vulan restar en l'UE e tut las autras persunas dumandadas èn anc indecisas u han inditgà da betg vulair sa participar ad in referendum.

L'institut YouGov ha fatg la retschertga per la gasetta Times. Mesemna e gievgia han i dumandà bunamain 1700 persunas. Tenor questas retschertgas èn mo 22 pertschient dals dumandads da l'avis che las refurmas sajan in bun cumpromiss. Per 56 pertschient van las refurmas memia pauc lunsch.

RR novitads 11:00

Dapli da Exteriuravrir la Landingpage

Nach links scrollen Nach rechts scrollen