Emprim accident mortal cun autopilot

La surveglianza da traffic dals Stadis Unids examinescha ils sistems da charrar automatics dal constructur d'autos electrics Tesla. Il matg hai dà ina collisiun tranter in Tesla cun autopilot ed in camiun. L'automobilist è mort.

In model d'auto Tesla S. Bild in Lightbox öffnen.

Legenda da maletgs: In model d'auto Tesla S en California. L'um mort charrava cun il medem model durant ina fasa da test cun autopilot. Keystone

Igl è l'emprim accident mortal enconuschent cun il sistem da charrar automatic cun l’autopilot. Il constructur d’autos american Tesla ha confermà il cas. L'interpresa ha dentant accentuà ch'i sa tractia tar il sistem d'autopilot d'ina tecnica anc betg definitiva.

La tecnica stoppia anc vegnir megliurada. Ils automobilists vegnan dentant fatg attents expressivamain, da betg prender davent ils mauns dal guvernagl durant ch’els han tschentà en il autopilot.

RR novitads 06:00