En la citad da Beira ch’è pertutgada il pli ferm hajan il mument 2’700 persunas diarrea. Quai pudess esser in sintom da colera. Perquai sajan ussa vaccins cunter la colera per 900’000 persunas en viadi vers il Mosambic. Dasper la colera teman experts er ch'i pudess dar epidemias da tifus e malaria.
Avant 10 dis aveva il ciclon «Idai» inundà grondas parts en il sid da l’Africa.
Bunamain 700 persunas èn mortas.
RR novitads 14:00