Siglir tar il cuntegn

Header

bajetg cun logo da yahoo
Legenda: Yahoo sto sa defender vers la renfatscha da betg avair protegì bain avunda las datas da ses utilisaders. Reuters
cuntegn

Exteriur Emprims plants cunter Yahoo

En ils Stadis Unids datti ils emprims plants cunter il concern d’internet Yahoo. Quai suenter ch’igl è vegnì enconuschent che las datas da passa ina mesa milliarda utilisaders eran vegnidas enguladas.

Plirs utilisaders èn ids avant dretgira en ils stadis da California e d’Illinois. Els renfatschan a Yahoo da betg avair fatg avunda per segirar lur datas e d’avair infurmà ils utilisaders memia tard. Gievgia aveva Yahoo fatg enconuschent l’attatga da hackers che datescha da l’onn 2014. Là avevan ils hackers pudì engular nums, adressas, numers da telefon, termins e pledsclav.

Fin ussa n’èsi betg enconuschent dapi cura ch’il concern ha savì da l’attatga. L’avust han hackers pretendì da posseder las datas da passa 200 milliuns utilisaders da Yahoo.

Il fanadur aveva il concern da Yahoo vendì sia fatschenta da coc al concern da telecommunicaziun american Verizon. Quai suenter ina lunga perioda da crida.

RR novitads 11:00

Artitgels legids il pli savens

Scrollar a sanestra Scrollar a dretga