Siglir tar il cuntegn

Header

cuntegn

Exteriur «En etern viva la revoluziun cubana»

En il Cuba han ils communists festivà il 60avel anniversari da la revoluziun. Il schef da la partida communista da Cuba ed anteriur president, Raúl Castro, ha ditg, ch'el saja cuntent co ina nova generaziun creeschia il socialissem. Quai saja la suletta via a l'independenza.

Il di da Bumaun 1959 aveva Fidel Castro, il frar da Raúl e manader da revoluziun, proclamà a Santiago de Cuba l'entschatta d'ina nova era suenter ch'il president fin lura, Fulgencio Batista, è fugì.

Preparà ma betg giavischà – la confruntaziun

Raoul Castro ha dentant er avertì d'ina nova confruntaziun cun ils Stadis Unids. Las smanatschas na fetschian betg tema. Ins saja preparà sin ina confruntaziun, ma ins na veglia betg quella ed ins speria che la regenza dals Stadis Unids po evitar ella. Sut in tschert squit da l'economia ha la regenza da la Cuba la fin finala lubì in'avertura precauta. Ins po cumprar liber immobiglias ed autos. La pussanza absoluta da la partida communista resta dentant intacta.

RR novitads 06:00

Artitgels legids il pli savens