La gruppa da las uschè numnadas «chapellinas blauas da cultura» po a partir dad immediat intervegnir en cas da crisa, conflicts u catastrofas da la natira, quai communitgescha il ministeri da cultura da l’Italia communabel l’Unesco.
Il team che sa cumpona d'experts da la polizia, istorichers e restauraturs saja trenà per situaziuns privlusas e possia evitar sblundregiadas da bains culturals.
L’Unesco ha appellà ad ulteriurs pajas da sa participar e da pudair en futur reagir pli bain sin destrucziuns da bains culturals. Il 2015 haja per exempel il Stadi islamic conquistà la citad da Palmyra en Siria e destrui bains culturals da muntada per l’entir istorgia antica.
RR novitads 17:00
