Exteriur - En Grezia è il dumber d'unfrendas creschì sin 88
Tar ils incendis en Grezia èn almain 88 persunas mortas, ulteriuras 10 sajan anc en privel da vita, quai rapporta il radio statal sa referind a las autoritads.
Plinavant valian numeruas persunas sco sparidas. Daco ch’ils incendis èn ruts or, n’è anc betg sclerì. Las autoritads supponan dentant che nunenconuschents hajan dà fieu cun intenziun. Ils incendis eran ruts or l’entschatta da l’emna en la regiun dad Athen. I sa tractia dals incendis da guaud ils pli desastrus dapi passa 10 onns en Grezia.