Siglir tar il cuntegn

Header

cuntegn

Exteriur En Grezia trembla la terra cun 6,6 fin 6,9

En Grezia ed en ils pajais vischins ha in terratrembel scurlattà milliuns da persunas or dal sien. Quai rapportan las agenturas da novitads SDA ed autras.

Tenor differents observatoris da terratrembels haja dà la notg da gievgia sin venderdi enturn las 01:00 terratrembels dad ina fermezza tranter 6,6 e 6,9. L'epicenter saja stà en il vest da la Grezia en la mar Ionica tar ina profunditad da 16,6 kilometers. Era il Malta, l'Albania, l’Italia dal sid e la Tirchia han badà las squassadas.

Il centrum dal terratrembel è stà sin l’insla – Zakynthos. Pliras regiuns da l’insla n’hajan il mument nagina forza electrica, rapportan las agenturas. Tenor las autoritads localas na datti anc naginas annunzias davart persunas blessadas e donns.

RR novitads 06:00

Artitgels legids il pli savens