Siglir tar il cuntegn

Header

Ils participants da l’inscunter suprem G7 ad Elmau en la Germania.
Legenda: Ils participants da l’inscunter suprem G7 ad Elmau en la Germania. Keystone
cuntegn

Exteriur En il mender cas dapli sancziuns cunter la Russia

Tar l'inscunter suprem G7 en la Germania han ils 7 gronds stadis industrials smanatschà a la Russia cun pli severas sancziuns.

Sch'il conflict en l'Ucraina da l'ost escaleschia anc pli fitg, veglian els augmentar las sancziuns. Uschia han infurmà las delegaziuns dals stadis G7.

Ils stadis dal vest rinfatschan a la Russia da sustegnair ils separatists en l'Ucraina da l’ost, ed uschia da destabilisar il pajais. Tenor l'Organisaziun per la segirezza e la collavuraziun en l'Europa OSCE è la situaziun en l'Ucraina sa pegiurada l’ultim temp.

Suenter l'annexiun da la Peninsla da la Crim l'onn passà, era la Russia na betg pli stada envidada als inscunters suprems dals stadis G7.

RR Novitads 16:00

Artitgels legids il pli savens

Scrollar a sanestra Scrollar a dretga