Vila Caiz giascha bun 50 kilometers en il Nord da Porto. E là arda il guaud ch'è vegnì envidà da la chalira immensa.
Evacuà bogn e bloccà autostrada
Forzas da segirtad han evacuà per precauziun il bogn avert Parque Aquático de Amarante, quai cunzunt pervi dal fim spess. Quantas persunas che quai eran, n'è betg enconuschent. Plinavant han el bloccà in tschancun d'ina autostrada.
Pervi da la gronda chalira è vegnì proclamà la sonda en 13 regiuns il segund aut grad d'alarm. En il Sid dal Portugal mussa il termometer temperaturas fin 38°.
Era il Balcan cumbatta cun chaliras
Ed en il sidost da l'Europa èsi gia dapi dis chalira. En la chapitala da la Serbia, Belgrad, han ins mesirà ier 40°. Quai è il pli chaud 5 d'avust dapi 130 onns. En bleras citads dal Balcan mussa il termometer gia la damaun da las 8 passa 30°. Ils meteorologs spetgan per oz dumengia temperaturas maximalas da var 43° en la Bosnia.
L'economia d'electricitad di che tut las lingias d'auta tensiun sajan a lur cunfin e tema che la forza pudess crudar ora sin ina surfatscha pli gronda.
RR novitads 12:00