- L'Institut american da terratrembels han inditgà la fermezza cun 7.2.
- Il dumber d’unfrendas è creschì sur 300. Passa 1'800 persunas sajan blessadas e numerusas sparridas.
- Il president american Joe Biden ha annunzià agid immediat.
Il primminister da Haiti Ariel Henry discurra sin Twitter d'unfrendas e da donns enorms en il sid dal pajais.
Il terratrembel è succedì tenor infurmaziuns uffizialas radund 12 kilometers davent da la vischnanca Saint-Louis-du-Sud, e circa 125 kilometers en il vest da la chapitala Port-au-Prince. Il terratrembel è stà en ina profunditad da radund diesch kilometers.
Tge destrucziuns ch'il terratrembel ha fatg, resta il mument anc fitg avert. Bleras chasas sajan vegnidas destruidas, e quai è era da vesair sin fotos e videos en las medias socialas.