Siglir tar il cuntegn

Header

Navigaziun

Aviun Ethiopian
Legenda: Tuttas 157 persunas a bord da l'aviun sajan mortas, quai ha confermà la societad aviatica Ethiopian Airlines (maletg d'archiv).. Keystone
cuntegn

Exteriur En l’Etiopia è in aviun crudà giu

En l’aviun eran 157 persunas a bord, uschia las emprimas indicaziuns da la societad aviatica Ethiopian Airlines. Las persunas a bord han gì 33 naziunalitads. Las mesiras da salvament cuntinueschan anc.

Motivs da la crudada betg enconuschent

La maschina dal tip Boeing 737 era da viadi da Addis Abeba a Nairobi, la chapitala da Kenia. L'aviun è crudà 50 kilometers al sidost da la citad. Curt suenter il start saja il contact sur func vegnì interrut. L'aviun era nov e saja stà en funcziun tar Ethiopian Airlines dapi il november passà. I sa tracta dal model Boeing 737, il medem tip da maschina sco l'aviun da la societad «Lion Air» ch'era crudà giu l'october a Jakarta. Daco che l’aviun è crudà n’è anc betg cler.

RR novitads 12:00