Siglir tar il cuntegn
Inhalt

Exteriur En l'ultima minuta: USA ed il Canada sa cunvegnan

Ils Stadis Unids ed il Canada èn vegnids perina davart las cundiziuns da basa per ina nova versiun da la convenziun da commerzi liber Nafta. Quai han els scrit en ina decleraziun cuminaivla. Il Canada, il Mexico ed ils Stadis Unids avevan suttascrit la cunvegna avant 24 onns.

Il president american Donald Trump ed il primminister canadais Justin Trudeau
Legenda: Donald Trump e Justin Trudeau èn cuntent ch'ina da las pli impurtantas cunvegnas cuntinuescha. Keystone

Il president american Donald Trump aveva mess en dumonda la cunvegna e vulì novas tractativas perquai ch’el veseva dischavantatgs per ils Stadis Unids, en spezial pervi dals exports dal Mexico. Cun il Mexico è stà pli simpel da far ina nova convenziun, quella datti dapi l'avust.

Nafta: Ina da las pli grondas zonas da commerzi liber

Personen-Box aufklappenPersonen-Box zuklappen
  • La convenziun da commerzi liber nordamericana Nafta è naschida il 1994 tranter ils Stadis Unids da l'America, il Canada ed il Mexico e reglescha ina da las pli grondas zonas da commerzi liber dal mund.
  • La zona pertutga bunamain 500 milliuns umans ed in territori da commerzi cun ina prestaziun da stgars 23 billiuns dollars.
  • Il volumen da commerzi dals Stadis Unids ensemen cun ils dus stadis vischins è dapi la convenziun quatter giadas pli grond.

Cun il Canada han ins dentant stuì contractar pli ditg e pli intensiv. La finala hai dà ina soluziun be paucas uras avant ch'il termin che Donald Trump ha mess sco ultimatum è ì a fin.

La nova convenziun guntgescha novs dazis, il Canada ed il Mexico han dentant stuì acceptar prescripziuns pli restrictivas per exports en ils Stadis Unids.

Detagls da la nova cunvenziun n'èn anc betg avant maun. Il november è quintà da suttascriver la nova convenziun che sa numna betg pli Nafta mabain USMCA.

RR novitads 08:00