Entant saja l'acziun da salvament interrutta e duai vegnir cuntinuada en 10 fin 20 uras. Ils sfunsaders sajan uss vid emplenir puspè las buttiglias d'oxigen.
Ils uffants da 11 fin 16 onns e lur trenader da ballape da 25 onns èn bloccads dapi passa duas emnas en ina tauna pervi da la bler'aua. Els sa chattan en in lieu sitg, var quatter kilometers davent da l'entrada da la tauna. Per il viadi da la tauna or en il liber dovran perfin sfunsaders professiunals tschintg fin sis uras.
RR novitads 08:00