Al concern d'internet Yahoo èn vegnidas enguladas il 2014 las datas d'almain 500 milliuns nizzegiaders. Ils hackers hajan pudì tiers nums, adressas da e-mail, numers da telefon, termins d'anniversari e pledsclav codads. Yahoo suppona davos l'attatga hackers cun in fund statal.
Uschia vegnan numnads en il Stadis Unids gruppas da hackers cun vischinanza als servetschs secrets russ e chinais. L'attatga saja probabel succedida la fin dal 2014. Sco quai che Yahoo ha communitgà na sajan ils attatgaders il mument betg en lur rait. - Emprims rapports davart l'enguladitsch da datas hai dà la stad passada, cura ch'in hacker ha offrì ils access a contos da nizzegiaders.
