Siglir tar il cuntegn

Header

cuntegn

Exteriur Enguladitsch da datas tar Uber

Hackers han gia avant in onn engulà dal servetsch da transport Uber datas da clients e manischunzs.

Il servetsch da transport Uber ha taschentà quasi in onn l'enguladitsch da datas da radund 50 milliuns giasts e 7 milliuns manischunzs. Pir il mardi ha Uber infurmà ch'i saja vegnì engulà nums, adressas dad e-mail e numers da telefon d'utilisaders sin l'entir mund. La firma ha dentant accentuà ch'i na sajan betg vegnidas enguladas datas da cartas da credit.

Uber ha concedì che l'interpresa n'haja ni infurmà las autoritads ni ils pertutgads sur da l'enguladitsch. Tenor medias haja Uber però pajà als hackers 100'000 dollars per ch'els destrueschian las datas enguladas. Ils hackers hajan gì access a las datas sur ina banca da datas ch'era protegida memia pauc. Sco Uber ha communitgà, hajan els relaschà quest'emna il schef da segirtad Joe Sullivan.

RR novitads 06:00

Artitgels legids il pli savens