Siglir tar il cuntegn

Header

In medi dat ina squitta ad in pazient en l'Africa dal Vest
Legenda: L'epidemia dad Ebola en il Vest da l'Africa è superada Keystone
cuntegn

Exteriur Epidemia d'ebola en l'Africa dal Vest è a fin

L'organisaziun mundiala da la sanadad, WHO, ha declerà la fin uffiziala da l'epidemia da la malsogna Ebola.

Dus onns suenter che la pli severa epidemia d'Ebola aveva cumenzà en l'Africa dal Vest vala er il davos pajais, la Liberia, sco liberada da la malsogna. Pli baud aveva la WHO gia declerà che la Sierra Leone e la Guinea sajan libras dal virus mortal. Tenor las directivas da l'organisaziun vala la malsogna sco surventschida sch'i dat durant 42 dis naginas novas infecziuns.

Durant quest'epidemia èn mortas 11'300 persunas. La directura generala da la WHO, Margaret Chan, admonescha dentant che la lavur na saja anc betg a fin. I valia dad esser attent per impedir che la malsogna rumpia or danovamain. Il secretari general da l'ONU, Ban Ki Moon, ha appellà a tut ils pajais da sa preparar meglier sin talas erupziuns.

Tenor indicaziuns dad experts pon persunas che han survivì la malsogna anc avair virus en il corp. Quels possian esser infectus vinavant, anc enfin in mez onn suenter la malsogna.

RR novitads 12:00

Artitgels legids il pli savens

Scrollar a sanestra Scrollar a dretga