Siglir tar il cuntegn

Header

cuntegn

Epidemia d'Ebola UE permetta l'emprima giada vaccin cunter Ebola

En il cumbat cunter il virus d’Ebola datti per l’emprima giada in vaccin al martgà. La cumissiun da l’Uniun europeica ha lubì al concern da farmazia american Merck da vender ses medicament cunter Ebola.

Da chattar in vaccin encunter Ebola è stà d'auta prioritad per l'entira cuminanza internaziunala. Il permiss al martgà saja in impurtant pass per spendrar vitas en l'Africa ed auters pajais. Cun quest pass suonda l'UE l'Agentura per medicaments europeica che ha examinà ils avantatgs e dischavantatgs dal medicament ed ha cussegliar da dar il permiss.

Situaziun urgenta en il Congo

En l’Africa dal Vest vegn quest medicament gia duvrà. Quai però cun restricziuns. En il Congo sa derasa il virus anc adina. Dapi la stad 2018 èn passa 2’100 persunas mortas da la malsogna en il pajais african. L’Organisaziun mundiala da la sanadad WHO discurra en quest connex d’ina situaziun d’urgenza da muntada internaziunala.

Ord l'archiv da SRF:

Mez october è vegnì rapportà ch'il dumber da persunas che s'infecteschan cun Ebola saja sa sminuì. Il virus sa derasa pli plaun. Il vaccin gida en il Congo. Il «Echo der Zeit» da SRF ha rapportà:

RR novitads 09:00