L’emprim aveva il servetsch da novitads curtas Twitter chattà 22 accounts ch’era connectads cun in dals 450 contos da Facebook suspectads d’esser controllads da la Russia. Connectads cun quests contos eran alura anc 179 contos. Ils contos ch’hajan cuntrafa a las reglas d’utilisaziun sajan vegnids blessads, communitgescha Twitter.
Emettur «Russia Today» ha cumprà spazi da reclama tar Twitter
Er ha Twitter publitgà datas sur d’activitads da reclama da l’emettur da televisiun russ «Russia Today». Uschia ha quel cumprà per bun 270’000 dollars spazi da far reclama sin Twitter. «Russia Today» vala sco portavusch internaziunal dal Kreml.
Facebook era intervegni l’entschatta settember
L’entschatta settember aveva gia la rait sociala Facebook denunzià radund 450 profils suspectus. Era quels duai la Russia avair controllà. Ils profils èn vegnids bloccads. Alura aveva il schef da la rait sociala Mark Zuckerberg annunzià da vulair vegnir pli transparent areguard propaganda politica. En l’avegnir duaja esser cler tgi ch’haja pajà per tala propaganda, ha ditg Zuckerberg. El na veglia betg che Facebook vegnia malduvrà per sutminar la democrazia.
RR novitads 06:00