Erdogan cuntinuescha cun accusar ses adversaris

La procura publica generala en Tirchia investighescha cunter il parsura da la partida pro-curda HDP, Selahattin Demirtas. I vegna guardà sche Demirtas haja offendì il president Recep Tayyip Erdogan, communitgescha la procura publica tirca.

Purtret d'Erdogan. Bild in Lightbox öffnen.

Legenda da maletgs: Erdogan cuntinuescha sia strategia d'accusar ses adversaris. Keystone

En in pled aveva Demirtas crititgà che la regenza haja arrestà dus prominents politichers curds. L’arrest dals dus presidents da la citad da Diyarbakir aveva era chaschunà grevas protestas cun confruntaziuns tranter ils protestants e la polizia.

Demirtas ha pretendì dal president la gievgia da survegnir mussaments persuenter ch'il dus umens sajan terrorists. El ha ditg che quai sajan tut manzegnas.

La regenza tirca ha relaschà il settember gia 28 presidents da citads en Tirchia. 24 dad els cun l'argument ch'i sajan aderents da la PKK, la partida dals lavurers ch'è scumandada, ed ils auters d'esser aderents dal moviment da Gülen.

Erdogan fa responsabel il moviment dal predicatur islamistic Fetullah Gülen per il putsch militaric da mez fanadur.

RR novitads 06:00