Siglir tar il cuntegn
Inhalt

Exteriur Erdogan discurra dad assassinat planisà

Il president tirc Recep Tayyip Erdogan ha discurrì en il cas dal schurnalist Jamal Khashoggi d'in assassinat barbaric planisà. La Tirchia possedia ferms mussaments, ha Erdogan ditg il mardi ad Ankara.

Il president tirc Erdogan.
Legenda: Tenor il president tirc Retschep Erdovan datti mussaments ch’il mazzament dal schurnalist saudiarab Jamal Kashoggi saja stà planisà. Keystone

Tenor il president tirc Erdogan datti mussaments ch’il mazzament dal schurnalist saudiarab Jamal Khashoggi saja stà planisà. Che sulet intgins commembers dal servetsch secret sajan responsabels per il mazzament na tanschia betg, ha ditg Erdogan. Novs detagls – sco quai ch'igl era vegnì spetgà – n'ha el dentant betg tradì.

Erdogan ha uschia cuntraditg a las indicaziuns da l’Arabia Saudita. Lezza aveva declerà ch’il schurnalist Khashoggi saja mort durant ina pitgada. Per Erdogan n’èn las contractivas en quest cas betg serradas giu, perquai che bleras dumondas sajan avertas. En pli ha el pretendì ch'ils 18 Saudiarabs arrestads stoppian vegnir ad Istanbul davant dretgira.

RR novitads 14:00