Siglir tar il cuntegn

Exteriur Erdogan: er el in «inimi da la libertad da pressa»

Il president tirc Recep Tayyip Erdogan è per la prima giada numnà sin l'uschè numnada glista dals "inimis da la libertad da pressa".

Erdogan tranter duas bandieras en inscenaziun populistica.
Legenda: Il president tirc Recep Tayyip Erdogan è per la prima giada numnà sin l'uschè numnada glista dals «inimis da la libertad da pressa». Keystone

L'organisaziun «reporters senza cunfins» che maina la glista argumentescha quai cun il fatg, che Erdogan controlleschia entant ina gronda part da las medias statalas en Tirchia. Plinavant sa chattian almain 130 schurnalists en praschun ed almain 140 medias sajan vegnidas serradas.

La glista dumbra entant 35 schefs da stadi u da regenza organisaziuns e servetschs secrets. Da nov sin quella sa chattan er il president egipzian Fattah-al-Sisi ed il president da la Tailanda Prayut Chan-o-cha.

RR novitads 06:00